Jo vaada kiya woh nibhaana padega
Roke zamaana chaahe roke khudaai
Tumko aana padega
Jo vaada kiya woh nibhaana padega

Tarasti nigaahon ne aawaz di hai
Mohabbat ki rahon ne awaaz di hai
Jaane hayaa jaane ada chodo tarsaana
Tumko aana padega
Jo vaada kiya woh nibhaana padega

Ye maana hamein jaan se jaana padega
Par ye samajh lo tumne jab bhi pukaara
Humko aana padega
Jo vaada kiya woh nibhaana padega

Hum apni wafaa pe na ilzaam lenge
Tumhe dil diya hai tumhe jaan bhi denge
Jab ishq ka sauda kiya, phir kya ghabraana
Humko aana padega
Jo vaada kiya woh nibhaana padega

Chamakte hain jab tak yeh chaand aur taare
Na tootenge ab keh do paimaan hamaare
Ek doosra jab de sadaa hoke dewaana
Humko aana padega
Jo vaada kiya woh nibhaana padega...

Movie

Taj Mahal

Artist

Roshanlal Nagrath (Roshan)

Music Directory

Roshanlal Nagrath (Roshan)

Music Label

Saregama

Singers

Lata Mangeshkar, Mohammed Rafi

Lyricist

Sahir Ludhianvi